គ្រឿងផ្សំមានដូចជា៖
១. បង្កង ១គីឡូ
២. អំបិល ៣ - ៤ក្ដាប់
៣. គល់ស្លឹកគ្រៃ ៤គល់
៤. ស្លឹកក្រូចសើច ៧សន្លឹក
របៀបធ្វើ៖
ដំបូងត្រូវរោយអំបិលក្នុងឆ្នាំងអោយសព្វផ្ទៃបាត បន្ទាប់មកតំរៀប គល់ស្លឹកគ្រៃ ស្លឹកក្រូចសើច និងបង្កងពីលើអំបិល រួចរោយអំបិលបន្តិចពីលើមួយជាន់ទៀត សឹមគ្របគំរបឆ្នាំង ហើយបើកភ្លើងអោយក្ដៅដុតប្រហែល១០នាទីជាការស្រេច។
សូមមើលវីឌីអូខាងក្រោមនូវរបៀបដុតបង្កងជាមួយអំបិល
គ្រឿងផ្សំ៖
១. ក្ដាមថ្ម
២. មីសួ
៣. ស្រាស ៣ស្លាបព្រាបាយ
៤. ទឹកត្រី ១ស្លាបព្រាបាយ
៥. ទឹកស៊ីអ៊ីវ ២ស្លាបព្រាបាយ
៦. ទឹកស៊ីអ៊ីវខាប់ ១ស្លាបព្រាបាយ
៧. ទឹកប្រេងខ្យង ២ស្លាបព្រាបាយ
៨. ស្ករស ១ស្លាបព្រាបាយ
៩. ប្រេងឆា ៣ស្លាបព្រាបាយ
១០. ខ្ទឹមស ១០កំពឹស ហាន់ជាចំណិតរាងក្រាស់ៗបន្តិច
១១. ខ្ញី ហាន់ជាបន្ទះស្ដើងល្មម១០ចំណិត
១២. អំបិល ១ស្លាបព្រាបាយ
១៣. ម្រេច ១ស្លាបព្រាបាយ
១៤. ស្លឹកខ្លឹម ៤ដើម កាត់ជាកង់ៗប្រវែងប្រហែល១ថ្នាំងម្រាមដៃ
របៀបធ្វើ៖
១. យកមីសួទៅត្រាំទឹក ២០នាទី រួចស្រង់ចេញច្រោះអោយអស់ទឹកទុកមួយឡែក។
២. លាយស្រាស ទឹកត្រី ទឹកស៊ីអ៊ីវ ទឹកស៊ីអ៊ីវខាប់ ទឹកប្រេងខ្យង ស្ករស ចូលគ្នាអោយសព្វ
៣. ចាក់ប្រេងឆាចូលខ្ទះដែលក្ដៅ រួចដាក់ខ្ទឹមស៥កំពឹស និងខ្ញី៥ចំណិត ចូលលីងអោយឡើងឈ្ងុយ និងរាងក្រៀមបន្តិច ចាក់មីសួ ទឹកគ្រឿងផ្សំដែលបានលាយរួចពីខាងលើ និងទឹកស៊ុបឬទឹក៤០០មីលីលីត្រ ចូលហើយច្របល់ឆាអោយសព្វ ទើបចាក់ដាក់ក្នុងឆ្នាំងដី។
៤. ចាក់ប្រេងឆាចូលខ្ទះដែលក្ដៅ រួចដាក់ខ្ទឹមស៥កំពឹស និងខ្ញី៥ចំណិតចូលលីងអោយឡើងឈ្ងុយ និងរាងក្រៀមបន្តិច ចាក់ក្ដាមថ្មចូល រួចដាក់អំបិល និងម្រេច ព្រមទាំងស្រាស១ស្លាបព្រាបាយរួចឆាត្រឡប់អោយចូលជាតិបន្តិច យកទៅចាក់ចូលក្នុងឆ្នាំងដីពីលើមីសួ រោយស្លឹកខ្លឹម បន្ទាប់មកគ្របគំរបឆ្នាំងដី ចម្អិនចំនួន២០នាទី ចុងក្រោយរោយជីវ៉ាន់ស៊ុយពីលើជាការស្រេច ៕
មេផ្ទះខ្លះ គាត់យកខ្ទះដែលប្រឡាក់ខ្លោចខ្លាំងនោះទៅត្រាំទឹកទុកចោលរយៈពេលយូរ អាចមួយយប់ឲ្យវារីកកំណកដើម្បីងាយស្រួលលាង ប៉ុន្តែពេលខ្លះខ្ទះនោះនៅតែពិបាកលាងសម្អាតឲ្យជ្រះអស់ដដែល។ ការធ្វើបែបនោះធ្វើឲ្យខាតពេលច្រើន ហើយបើចង់យកខ្ទះនោះប្រើបន្តភ្លាមៗក៏មិនបាន។ ដើម្បីឲ្យជ្រាបច្បាស់ថាតើលាងបែបណាទើបអាចជម្រុះចោលនូវកំណកខ្លាចនោះអស់ក្នុងពេលដ៏ខ្លីបំផុតដោយមិនចាំបាច់ប្រើអ្វីក្រៅពីទឹកនិងភ្លើង សូមចូលទស្សនាវីឌីអូខាងក្រោម៖
គ្រឿងផ្សំមានដូចជា៖
១. ជើងមាន់១គីឡូកន្លះ
២. ទឹក៧៥០មីលីលីត្រ
៣. ទឹកត្រី៣០០មីលីលីត្រ
៤. ទឹកខ្មេះ៣០០មីលីលីត្រ
៥. អំបិល២/៣ស្លាបព្រាបាយ
៦. ស្ករសរមួយស្លាបព្រាបាយកន្លះ
៧. គល់ស្លឹកគ្រៃ៧គល់
៨. ខ្ញី៥ដុំ
៩. ស្លឹកក្រូចសើច១៥សន្លឹក
១០. ខ្ទឹមស១៥កំពឹស
១១. ម្ទេស១០គ្រាប់
១២. ទឹកកកលៃល្មមត្រាំជើងមាន់
របៀបធ្វើ៖
១. ហាន់ខ្ទឹមស ខ្ញី គល់ស្លឹកគ្រៃ ម្ទេស ជាបន្ទះស្ដើងៗ ទុកមួយឡែក។
២. ចាក់ទឹក ទឹកខ្មេះ អំបឹល ស្ករស ទឹកត្រី ចូលឆ្នាំង រួចដាំឲ្យពុះ ទុកឲ្យត្រជាក់ទុកមួយអន្លើ។
៣. ដាំទឹកបង់គល់ស្លឹកគ្រៃ ខ្ញី និងស្លឹកក្រូចសើចមួយភាគ មកបង់ចូល រួចចាកជើងមាន់ចូល បើកភ្លើងដាំឲ្យពុះប្រហែល១០នាទី បន្ទាប់មកស្រង់យកជើងមាន់មកត្រាំទឹកកកឲ្យត្រជាក់សព្វប្រហែល១០នាទីឲ្យសាច់ឡើងរឹង និងស្រួយ។
៤. យកជើងមាន់ដែលត្រាំទឹកកករួច(ស្រង់ឲ្យអស់ទឹក) មកតំរៀបក្នុងក្រឡកែវ លាយជាមួយ ខ្លឹមស ខ្ញី គល់ស្លឹកគ្រៃ ម្ទេសដែលបានហាន់រួច ស្លឹកក្រូចសើច (មិនបាច់ហាន់ទេ ទុកទាំងមូល) រួចចាក់ទឹកសម្រាប់ជ្រក់ដែលបានដាំទុកឲ្យត្រជាក់ចូលឲ្យលិចសព្វជើងមាន់ ទុកប្រហែល៣០នាទីដើម្បីឲ្យជើងមាន់ចូលជាតិបានល្អហើយ យើងអាចយកទៅក្លាសេទុកក្នុងទូរទឹកកកមួយយប់សិន ជាការស្រេច៕ ចំណាំ៖ អាចទុកក្នុងទូរទឹកកករក្សាបានប្រហែល៥ ទៅ៦ថ្ងៃ៕
រូបភាពនៅចំការផ្កា និងអំពៅ
រូបភាព និងវីឌីអូនៅទេទឹកពុះ
រូបភាពនៅទំនប់តាសាល
រូបភាពនៅទឹកឆាយ
គ្រឿងផ្សំមានដូចជា៖
១. សាឡាដចំរុះ
២. ប៉េងប៉ោះ
៣. ខ្ទឹមបារាំង
៤. ខ្ទឹមក្រហម
៥. ត្រីខធូណាកំប៉ុង
៦. អំបិល
៧. ទឹកខ្មេះ
៨. ស្ករស
៩. ម្រេច
របៀបធ្វើ៖
ទឹកជ្រលក់សម្រាប់ស្រោចលើបន្លែ ៖ ហាន់ខ្ទឹមបារាំងឲ្យល្អិត ចាក់ទឹកខ្មេះ លាយជាមួយអំបិល ស្ករស និង ម្រេច កូរឲ្យរលាយជាតិចូលគ្នាបានល្អ តាមរសជាតិដែលលោកអ្នកចូលចិត្ត (រសជាតិទឹកជ្រលក់នេះត្រូវតែជូរ និងប្រៃឡមល្មម មិនឲ្យផ្អែមទេ)។
យកសាឡាដចំរុះ ប៉េងប៉ោះ(ហាន់ជាបន្ទះៗ) ខ្ទឹមបារាំង និងខ្ទឹមក្រហម (ហាន់ជាបន្ទះស្ដើងៗល្មម) ត្រីខកំប៉ុង (តាមការចូលចិត្តតិចឬច្រើន) ចូលក្នុងចានធំ ស្រូបទឹកជ្រលក់រួចច្របល់ចូលគ្នាឲ្យសព្វ ជាការស្រេច។
សូមចូលមើលវីឌីអូខាងក្រោមពីវិធីធ្វើ
គ្រឿងផ្សំមានដូចជា៖
១. អំបិលក្រួស
២. អំបិលម៉ដ្ឋ
៣. ហៃប៊ី
៤. ម្ទេស
៥. ខ្ទឹមស
៦. ប៊ីចេង
កន្លែងការងារណាក៏តែងតែមានបញ្ហាដែរ គ្រាន់តែមានតិច ឬច្រើនអាស្រ័យលើការដឹកនាំរបស់ស្ថាប័ននោះ ហើយបើមានមេដែលមានចរិកដូចខាងក្រោមនេះទៀត រឹតតែគួរឲ្យពិចារណាថា បើមិនមានជំរើសផ្សេង គឺត្រូវតែប្រុងប្រយ័ត្ន៖
១. ត្រចៀកស
ឆាប់ជឿគេ ដោយគ្មានការពិនិត្យ ឬសួរនាំរកមូលហេតុ ឬហេតុផលឲ្យបានច្បាស់លាស់ មុននឹងគិត ជឿ ឬយល់ថាកូនចៅនោះខុសពិតមែនឬយ៉ាងណា អ្នកណាប្រាប់បានមុនគឺជាអ្នកមានព្រៀប
២. ចិត្តចង្អៀត ប្រកាន់ច្រើន គ្មានហេតុផល
៣. គ្មានភាពច្បាស់លាស់
ម្ដងសម្រេចចេះ ម្ដងសម្រេចចុះ ធ្វើឲ្យកូនចៅវង្វេងមិនដឹងថាគួរធ្វើឬមិនធ្វើ
៤. យកចិត្តទុកដាក់កូនចៅមិនស្មើគ្នា (បក្សពួកនិយម)
អ្នកណាគ្នារបស់ខ្លួន ចុងឆ្នាំវាយតម្លៃបានប្រាក់ខែខ្ពស់ជាង កូនចៅដែលមិនមែនជាបក្សពួកខ្លួន និងមិនឲ្យតំលៃលើបុគ្គលិកសកម្មដែលធ្លាប់ជួយការងារខ្លួនទេ ពេលត្រូវការពឹង និយាយឲ្យល្អណាស់ ចប់ការងារ ចុងឆ្នាំប្រាក់ខែស្មើគ្នាជាមួយអ្នកមិនសកម្ម។
៥. គ្មានទំនួលខុសត្រូវ អត្មានិយម
ទំលាក់កំហុសឲ្យកូនចៅ ពេលនៅមុខប្រធានក្រុមហ៊ុន ឬមេធំជាងខ្លួន។ មិនហ៊ានចេញមុខសម្រេចការងារឲ្យបានច្បាស់លាស់ ឲ្យកូនចៅដោះស្រាយដោយខ្លួនឯង ទាំងដែលវាជាភារកិច្ចរបស់ខ្លួនក្នុងនាមជាមេ បើជាគុណសម្បត្តិយកតែម្នាក់ឯង។ ឧទាហរណ៍៖ យកម៉ោងការងារមកធ្វើការងារក្រៅផ្ទាល់ខ្លួនឬរបររកស៊ីខ្លួនឯងទៅវិញ អាងតែគ្មានមេណាដឹង ឬមិនហ៊ានថាឲ្យ ដោយទំលាក់ការងាររបស់ខ្លួនឲ្យកូនចៅធ្វើជំនួស លទ្ធផលល្អមេយក តែបើខុស ឬមិនល្អ រកវិធីទំលាក់ដាក់អោយកូនចៅ ។
៦. មិនចេះគ្រប់គ្រងកូនចៅ
អ្នកណាចង់ធ្វើ ឬមិនធ្វើ មកយឺត ឬលឿន មើលបំណាំគ្នាក៏មិនខ្ចីខ្វល់ ចង់កូនចៅឈ្លោះគ្នាដោយសារតែមេខ្លួនឯងមិនចេះបែងចែកការងារឲ្យបានត្រឹមត្រូវ និងច្បាស់លាស់ ក៏មិនខ្ចីចេញមុខសម្របសម្រួល និងដោះស្រាយ ខ្លាចកូនចៅស្អប់ សុខចិត្តទុកឲ្យកូនចៅស្អប់គ្នាឯងល្អជាងមកស្អប់ខ្លួន។
៧. មានគំនិតអគតិច្រើន
មនុស្សដែលគិតមិនល្អច្រើននេះ តែងតែគិតថាអ្នកដ៏ទៃគិតអាក្រក់ដូចខ្លួន ដូច្នេះហើយ បើយើងមានមេប្រភេទនេះ គង់ចៀសមិនផុតពីការគិតថាយើងមិនល្អ មិនគោរពគេនៅថ្ងៃណាមួយមិនខានឡើយ។
៨. គុំគួនកូនចៅ
មេដែលល្អ នឹងចាត់ទុកខ្លួនឯងដូចជាឪពុក ឬម្ដាយ ឬអាណាព្យាបាលរបស់កូនចៅ មិនថាកូនចៅខុសប៉ុណ្ណាក៏ត្រូវធ្វើការណែនាំ ដោយបំណងល្អក្នុងនាមជាមេ ចាំអត់ទោសឲ្យកូនចៅដែលធ្វើខុស មិនមែនគុំគួន រង់ចាំមានឱកាសកំចាត់កូនចៅចេញ តាមចាប់កំហុស និងប្រើល្បិចធ្វើបាបគ្រប់ពេលនោះទេ។
រូបភាពយកពីប្រភព Facebook
គ្រឿងផ្សំ៖
១. ទឹកតែឆុងយករសជាតិចាស់បន្តិច កន្លះកែវ
២. ផ្លែផាសសិន (passion) ២ផ្លែ (ដាក់ទាំងគ្រាប់ ឬ ច្រោះយកតែទឹក)
៣. ត្រសក់ ១០ចំណិតស្ដើងៗល្មម
៤. ស្ករស ២ ទៅ ៣ស្លាបព្រា តាមការចូលចិត្ត
៥. ជីអង្កាម ៥សន្លឹក
៦. ទឹកកក
របៀបធ្វើ៖
១. យកត្រសក់៦ចំណិត មកជ្រុំជាមួយទឹកតែ និងជីអង្កាម៣សន្លឹក រួចច្រោះយកកាកចោល។ បន្ទាប់មកយកទឹកតែដែលច្រោះរួចមកលាយជាមួយនឹងស្ករស កូរឲ្យរលាយរួចចាក់ចូលក្នុងកែវទឹកកកដែលរាយត្រសក់៤ចំណិតទៀតដើម្បីលំអ និងថែមជីអង្កាម២សន្លឹកពីលើជាការស្រេច៕
គ្រឿងផ្សំមានដូចជា ៖
១. ខួរជ្រូក
២. ផ្សិតម្ជុល
៣. ខ្ញី
៤. អំបិល
៥. ម្សៅស៊ុប
៦. ម្រេច
៧. ស្លឹកខ្ទឹម
៨. ជីវ៉ាន់ស៊ុយ
៩. ឆ្អឹងមាន់
១០. ខ្លឹមស
របៀបធ្វើ៖
១. រំងាស់ឆ្អឹងមាន់ប្រហែល៣០នាទី បង់អំបិលបន្តិចផង។
២. ជាន់ខ្ញីជារាងចង្វារមូលតូចៗ
៣. ហាន់ស្លឹកខ្ទឹម និងជីវ៉ាន់ស៊ុយ
៤. ផ្សិតម្ជុលកាត់ជើងចេញ ប្រឡេះចេញពីគ្នា
៥. ៣០នាទីក្រោយស្រង់យកឆ្អឹងមាន់ចេញ បង់ខ្ញី ម្សៅស៊ុប ម្រេច ខួរជ្រូក(បកសន្ទះស្ដើងដែលរុំជុំវិញខួរជ្រូកចេញថ្មមៗឲ្យស្អាត)ចូល រំងាស់ប្រហែល១០នាទី ដួសដាក់ចាន រោយស្លឹកខ្ទឹម និងជីវ៉ាន់ស៊ុយជាការស្រេច៕
Romduol Experience 